شعراء البادية بمصر وليبيا
قال الشاعر :- يقول فيها واحد ايهمص في سواد ظلاما ..واحد نهاره قايده بشموع .. واحد ثمان أشكال لون طعاما..وواحد مقضي طول عمره جوع وواحد ايديه امقيده واقدامه..وواحد احصانه ماعليه اصروع وواحد عزيز وعاليات اسوامه..وواحد برخص ترابها مبيوع وواحد سفيه وسامعين كلامه ...وواحد أبعقله غير موسموع وواحد امهول لاطات اقسامه ..وواحد أقسامه جايه في الطوع؟
ورد الشاعر قدوره العجني وواحد أروي والنهر جا قداما.وواحد اعطش قاصر علي قرطوع وواحد شقي ومعاكسات اياما.. عليما يحاول مانجح مشروع وواحد يفوز وما امعاه جهاما .. وكمين تيغي عالوطا مرقوع وكمين صقر متكتف عليه كماما.. وكمين بومه راقيا بطلوع ومامن اللي يبصم بطرف ابهاما .. وهو بمعرفه واسع بعيد البوع وكمين قاري ماضيات اقلاما .. وجاهل ومابوعه عرف مالكوع --
واضاف الشاعر طه الجازوي قائلا. واحداتعب رابط الظهر بحزامه=واحد تريح صوقر المطلوع واحد ان دارالثوب دار اكمامه=واحد الكم ايفصلا مقطوع واحد حياته عاشه فأحـلامه=واحد حياته عاشـه دلـوع واحد الحـلال ايخلطا بحرامه=واحد الحرام يحودا مدفوع واحد افرح طايل مناه غرامه=واحد اصبح ف الغلا مليوع واحداشقي مانال غيرندامه=واحد مزهزه بالهنا مقنوع
وأضاف الشاعر أشرف بوعامودالفايدي قائلا:- واحد فقية بحكمته وعلامه --واحد الجهل معاه واخد بوع -- وواحد فرده دوم حلو لسانه --واحد ديماا في رد الكلام طبوع -- وواحد شهير كي لهلالي سلامه -- وواحد ردئ الفعل كي الجربوع -- وواحد سكير مطلينه ايامه --وواحد لشرب الكاس مومقنوع --وواحد بماله العرب سامعين كلامه --وواحد من قل المال كلامه دوم مومسموع --واحد ايخبط في عجاج ضلامه --واحد أصناف العز معاه 1000نوع ونوع--واحد ايرقع في عقاب اكمامه -- واحد يبدل ثوب جديد كل اسبوع --وواحد امعكنن دوم مرامه --وواحدصريع فراشها مليوع - واحد هني الحال دوم ايامه -- -وواحد من الغوالي خاطرة موجوع - واحد مع الغوالي زاهيات ايامه - وواحد امكوي والكنين مليوع -- -واحد هني النوم طيب منامه --وواحد ينوض من المنام مفجوع -وواحد بين العرب هايبين احصانه --وواحد احصانه فاللهيد طبوع --وواحد عزيز النفس كيف عمامه --واحد ذليل النفس دوم مخضوع ==وواحد بشعره قاريين كلامه --واحد كلامه دوم مومبلوع -- وواحد يركب الكوت بدون الجامه - وواحد يركب اللي للصرع مومقدوع- وفارس ما يعرف ايقود احصانه --وفارس معاه الخيل كله طوع -- وواحد رفيق الدرب لا ماخانه -- وواحد للرفق بالخيانه مبيوع --وواحد فزاع كي الصقر حوامه -- وواحد مايفزع للعرب طبوع --وواحد افعاله دوم كيف كلامه -- وواحد كلامه ايردله مرجوع == تحياتي لكل شعرائنااااا الكبار استاذي قدورة العجني والشاعر طه الجازوي - وباقي شعراء البادية بمصر وليبيا -- أشرف بوعامود - الفيوم
ليست هناك تعليقات:
إرسال تعليق