قصيدة أجواد وخيره للشاعر مفتاح الفالح الزوي

هناك ناس تلقاهم أجواد وخيرة          وهناك ناس خلطتم ذهابة شيره هناك ناس يعزُّوا                       معاك وين ما تطلب أفزاع يفزُّوا لا يبخلوا لا من حمول يكزُّوا           أجواد طبعهم فزعة لقولة ديرة يشيلوا الطايح والنزاع يحزُّوا           كمِّين نفس زَهوها بعد تكديرة وهناك ناس من رحمة الله التزَّوا       بها تنال خلطتّم ذهابة شيرة المرزي ليا تمّوا معاه يرزُّوا            برايهم عليه يضايقوا الحظيرة حتى فالهم يقهر تقول يعزُّوا            يمتازوا يجوا للفرح بالتكشيرة هناك ناس أقوالي                      عليهم تخيل وما انفضِّي بالي يعتزّ بنباهم من عليه غوالي            دوا للمريض وللقنيد جبيرة قدَّارة ظروف اللِّي عليهم جالي         يستانس الخايف م الطليب وغيره سماح المواقف من مدد وآجالي        علي عين داراية عيون كثيرة وإن جاهم الظالم ما يحسُّوا والي       تجيه من ضلاله فوق من خنفيره عدَّادة ملام اللِّي تقول خوالي           اللِّي في حماهم ما نعوز بصيرة هناك ناس أكيدة                       يعدُّوا اللومة يحسبوا البعيدة لا كذب لا تعذير لا ترديدة             يعدُّوا اللومة لو تكون عسيرة أصحاب النخاوة والعزوم شديدة        ع المبدا يموتوا ما لهم توخيرة وإن جاهم اللِّي مظلوم يجلى كيده       يبات في الحمى لا ظلم لا تصغيرة قصيدة أجواد وخيره للشاعر مفتاح الفالح الزوي تحياتي الشاعر/ أشرف بوعامود الفايدي